ਤੁਮੈ ਸਾਥ ਬਹਲੋਲ ਨ ਭੋਗ ਕਮਾਤ ਹੋ ॥

Tumai Saatha Bahalola Na Bhoga Kamaata Ho ॥

ਸੰਗ ਮਨੁਛ ਦੈ ਮੋਹਿ ਤਹਾ ਪਹੁਚਾਇਯੈ ॥

Saanga Manuchha Dai Mohi Tahaa Pahuchaaeiyai ॥

ਹੋ ਦਿਵਸ ਤੀਸਰੇ ਮੋ ਕੌ ਬਹੁਰਿ ਬੁਲਾਇਯੈ ॥੧੯॥

Ho Divasa Teesare Mo Kou Bahuri Bulaaeiyai ॥19॥

ਸੁਨਿ ਐਸੇ ਬਚ ਮੋਹਿ ਖਾਨ ਤਬ ਤਜਿ ਦਿਯੋ ॥

Suni Aaise Bacha Mohi Khaan Taba Taji Diyo ॥

ਕਾਮ ਭੋਗ ਤਹ ਸੰਗ ਨ ਮੈ ਐਸੋ ਕਿਯੋ ॥

Kaam Bhoga Taha Saanga Na Mai Aaiso Kiyo ॥

ਤਬ ਤੁਮ ਕੌ ਮੈ ਮਿਲੀ ਤਹਾ ਤੇ ਆਇ ਕੈ ॥

Taba Tuma Kou Mai Milee Tahaa Te Aaei Kai ॥

ਹੋ ਅਬ ਤੁਮ ਕ੍ਯੋਹੂ ਮੋ ਕੌ ਲੇਹੁ ਬਚਾਇ ਕੈ ॥੨੦॥

Ho Aba Tuma Kaiohoo Mo Kou Lehu Bachaaei Kai ॥20॥

ਦੋਹਰਾ ॥

Doharaa ॥

ਸੁਨਿ ਐਸੋ ਬਚ ਮੂੜ ਤਬ ਫੂਲਿ ਗਯੋ ਮੁਸਕਾਇ ॥

Suni Aaiso Bacha Moorha Taba Phooli Gayo Muskaaei ॥

ਭੇਦ ਨ ਜਾਨ੍ਯੋ ਬਾਲ ਕੋ ਆਈ ਭਗਹਿ ਫੁਰਾਇ ॥੨੧॥

Bheda Na Jaanio Baala Ko Aaeee Bhagahi Phuraaei ॥21॥

ਇਤਿ ਸ੍ਰੀ ਚਰਿਤ੍ਰ ਪਖ੍ਯਾਨੇ ਤ੍ਰਿਯਾ ਚਰਿਤ੍ਰੇ ਮੰਤ੍ਰੀ ਭੂਪ ਸੰਬਾਦੇ ਇਕ ਸੌ ਤਿਹਤਰਵੋਂ ਚਰਿਤ੍ਰ ਸਮਾਪਤਮ ਸਤੁ ਸੁਭਮ ਸਤੁ ॥੧੭੩॥੩੪੦੨॥ਅਫਜੂੰ॥

Eiti Sree Charitar Pakhiaane Triyaa Charitare Maantaree Bhoop Saanbaade Eika Sou Tihtarvona Charitar Samaapatama Satu Subhama Satu ॥173॥3402॥aphajooaan॥

ਚੌਪਈ ॥

Choupaee ॥

ਮੋਕਲ ਗੜ ਮੋਕਲ ਨ੍ਰਿਪ ਭਾਰੋ ॥

Mokala Garha Mokala Nripa Bhaaro ॥

ਪਿਤਰ ਮਾਤ ਪਛਮ ਉਜਿਯਾਰੋ ॥

Pitar Maata Pachhama Aujiyaaro ॥

ਸੁਰਤਾ ਦੇ ਤਿਹ ਸੁਤਾ ਭਣਿਜੈ ॥

Surtaa De Tih Sutaa Bhanijai ॥

ਜਾ ਸਮ ਰੂਪ ਕਵਨ ਤ੍ਰਿਯ ਦਿਜੈ ॥੧॥

Jaa Sama Roop Kavan Triya Dijai ॥1॥

ਅਪਨੋ ਤਵਨ ਸੁਯੰਬਰ ਬਨਾਯੋ ॥

Apano Tavan Suyaanbar Banaayo ॥

ਸਭ ਭੂਪਨ ਕੋ ਬੋਲਿ ਪਠਾਯੋ ॥

Sabha Bhoopn Ko Boli Patthaayo ॥

ਕਾਸਟ ਤੁਰੈ ਜੋ ਹ੍ਯਾਂ ਚੜਿ ਆਵੈ ॥

Kaastta Turi Jo Haiaan Charhi Aavai ॥

ਸੋਈ ਰਾਜ ਸੁਤਾ ਕਹ ਪਾਵੈ ॥੨॥

Soeee Raaja Sutaa Kaha Paavai ॥2॥

ਅੜਿਲ ॥

Arhila ॥

ਸਤ ਗਾੜਨ ਕੋ ਬਲ ਜੋ ਨਰ ਕਰ ਮੈ ਧਰੈ ॥

Sata Gaarhan Ko Bala Jo Nar Kar Mai Dhari ॥

ਕਾਸਟ ਤੁਰੈ ਹ੍ਵੈ ਸ੍ਵਾਰ ਤੁਰਤ ਇਹ ਮਗੁ ਪਰੈ ॥

Kaastta Turi Havai Savaara Turta Eih Magu Pari ॥

ਲੀਕ ਬਡੀ ਲਹੁ ਬਿਨੁ ਕਰ ਛੂਏ ਜੋ ਕਰੈ ॥

Leeka Badee Lahu Binu Kar Chhooee Jo Kari ॥