ਪਾਪ ਸੰਬੂਹ ਬਿਨਾਸਨ ਕਉ ਕਲਿਕੀ ਅਵਤਾਰ ਕਹਾਵਹਗੇ ॥

Pap Sanbooh Binasan Ko Kalikee Avathar Kehavehagae ||

ਤੁਰਕੱਛਿ ਤੁਰੰਗ ਸਪੰਛ ਬਡੋ ਕਰਿ ਕਾਢ ਕ੍ਰਿਪਾਨ ਕਪਾਵਹਗੇ ॥

Thurakashh Thurang Sapanshh Baddo Kar Kadt Kripan Kapavehagae ||

ਨਿਕਸੇ ਜਿਮ ਕੇਹਰਿ ਪਰਬਤ ਤੇ ਤਸ ਸੋਡ ਦਿਵਾਲਯ ਪਾਵਹਗੇ ॥

Nikasae Jim Kaehar Parabath Thae Thas Sodd Dhivalay Pavehagae ||

ਭਲ ਭਾਗ ਭਯਾ ਇਹ ਸੰਭਲ ਕੇ ਹਰਿ ਜੂ ਹਰਿਮੰਦਰ ਆਵਹਗੇ ॥੧੪੧॥

Bhal Bhag Bhaya Eih Sanbhal Kae Har Joo Harimandhar Avehagae ||141||

ਰੂਪ ਅਨੂਪ ਸਰੂਪ ਮਹਾ ਲਖ ਦਵ ਅਦਵ ਲਜਾਵਹਗੇ ॥

Roop Anoop Saroop Meha Lakh Dhav Adhav Lajavehagae ||

ਅਰਿ ਮਾਰ ਸੁਧਾਰ ਕੈ ਟਾਰ ਘਣੇ ਬਹੁਰੌ ਕਲਿ ਧਰਮ ਚਲਾਵਹਗੇ ॥

Ar Mar Sudhhar Kai Ttar Ghanae Bahura Kal Dhharam Chalavehagae ||

ਸਭ ਸਾਧ ਉਭਾਰ ਲਹੈ ਕਰ ਦੈ ਦੁਖ ਆਂਚ ਨ ਲਾਗਨ ਪਾਵਹਗੇ ॥

Sabh Sadhh Oubhar Lehai Kar Dhai Dhukh Aanch N Lagan Pavehagae ||

ਭਲ ਭਾਗ ਭਯਾ ਇਹ ਸੰਭਲ ਕੇ ਹਰਿ ਜੂ ਹਰਿਮੰਦਰ ਆਵਹਗੇ ॥੧੪੨॥

Bhal Bhag Bhaya Eih Sanbhal Kae Har Joo Harimandhar Avehagae ||142||

ਦਾਨਵ ਮਾਰ ਅਪਾਰ ਬਡੇ ਰਣਿਜੀਤ ਨਿਸਾਨ ਬਜਾਵਹਗੇ ॥

Dhanav Mar Apar Baddae Ranijeeth Nisan Bajavehagae ||

ਖਲਟਾਰ ਹਜਾਰ ਕਰੋਰਕ ਤੇ ਕਲਕੀ ਕਲਿ ਕ੍ਰਿਤਿ ਬਢਾਵਹਗੇ ॥

Khalattar Hajar Karorak Thae Kalakee Kal Krith Badtavehagae ||

ਪ੍ਰਗਟਿ ਹੈ ਜਿਤਹੀ ਤਿਤ ਧਰਮ ਦਿਸਾ ਲਖ ਪਾਪਨ ਪੁੰਜ ਪਰਾਵਹਗੇ ॥

Pragatt Hai Jithehee Thith Dhharam Dhisa Lakh Papan Punj Paravehagae ||

ਭਲ ਭਾਗ ਭਯਾ ਇਹ ਸੰਭਲ ਕੇ ਹਰਿ ਜੂ ਹਰਿਮੰਦਰ ਆਵਹਗੇ ॥੧੪੩॥

Bhal Bhag Bhaya Eih Sanbhal Kae Har Joo Harimandhar Avehagae ||143||

ਛੀਨ ਮਹਾ ਦਿਸ ਦੀਨ ਦਸਾ ਲਖ ਦੀਨ ਦਿਆਲ ਰਿਸਾਵਹਗੇ ॥

Shheen Meha Dhis Dheen Dhasa Lakh Dheen Dhial Risavehagae ||

ਖਗ ਕਾਢ ਅਭੰਗ ਨਿਸੰਗ ਹਠੀ ਰਣ ਰੰਗ ਤੁਰੰਗ ਨਚਾਵਹਗੇ ॥

Khag Kadt Abhang Nisang Hathee Ran Rang Thurang Nachavehagae ||

ਰਿਪ ਜੀਤ ਅਜੀਤ ਅਭੀਤ ਬਡੋ ਅਵਨੀ ਪੈ ਸਬੈ ਜਸੁ ਗਾਵਹਗੇ ॥

Rip Jeeth Ajeeth Abheeth Baddo Avanee Pai Sabai Jas Gavehagae ||

ਭਲ ਭਾਗ ਭਯਾ ਇਹ ਸੰਭਲ ਕੇ ਹਰਿ ਜੂ ਹਰਿਮੰਦਰ ਆਵਹਗੇ ॥੧੪੪॥

Bhal Bhag Bhaya Eih Sanbhal Kae Har Joo Harimandhar Avehagae ||144||

ਸੇਸ ਸੁਰੇਸ ਮਹੇਸ ਗਨੇਸ ਨਿਸੇਸ ਭਲੇ ਜਸੁ ਗਾਵਹਗੇ ॥

Saes Suraes Mehaes Ganaes Nisaes Bhalae Jas Gavehagae ||

ਗਣ ਭੂਤ ਪਰੇਤ ਪਿਸਾਚ ਪਰੀ ਜਯ ਸੱਦ ਨਨੱਦ ਸੁਨਾਵਹਗੇ ॥

Gan Bhooth Paraeth Pisach Paree Jay Sadh Nanadh Sunavehagae ||

ਨਰ ਨਾਰਦ ਤੁੰਬਰ ਕਿੰਨਰ ਜੱਛ ਸੁਬੀਨ ਪ੍ਰਬੀਨ ਬਜਾਵਹਗੇ ॥

Nar Naradh Thunbar Kinnar Jashh Subeen Prabeen Bajavehagae ||

ਭਲ ਭਾਗ ਭਯਾ ਇਹ ਸੰਭਲ ਕੇ ਹਰਿ ਜੂ ਹਰਿਮੰਦਰ ਆਵਹਗੇ ॥੧੪੫॥

Bhal Bhag Bhaya Eih Sanbhal Kae Har Joo Harimandhar Avehagae ||145||

ਤਾਲ ਮ੍ਰਿਦੰਗ ਮੁਚੰਗ ਉਪੰਗ ਸੁਰੰਗ ਸੇ ਨਾਦ ਸੁਨਾਵਹਗੇ ॥

Thal Mridhang Muchang Oupang Surang Sae Nadh Sunavehagae ||

ਡਫ ਬਾਰ ਤਰੰਗ ਰਬਾਬ ਤੁਰੀ ਰਣ ਸੰਖ ਅਸੰਖ ਬਜਾਵਹਗੇ ॥

Ddaf Bar Tharang Rabab Thuree Ran Sankh Asankh Bajavehagae ||

ਗਣ ਦੁੰਦਭ ਢੋਲਨ ਘੋਰ ਘਨੀ ਸੁਨ ਸਤ੍ਰ ਸਬੈ ਮੁਰਛਾਵਹਗੇ ॥

Gan Dhundhabh Dtolan Ghor Ghanee Sun Sathr Sabai Murashhavehagae ||

ਭਲ ਭਾਗ ਭਯਾ ਇਹ ਸੰਭਲ ਕੇ ਹਰਿ ਜੂ ਹਰਿਮੰਦਰ ਆਵਹਗੇ ॥੧੪੬॥

Bhal Bhag Bhaya Eih Sanbhal Kae Har Joo Harimandhar Avehagae ||146||

ਤੀਰ ਤੁਫ਼ੰਗ ਕਮਾਨ ਸੁਰੰਗ ਦੁਰੰਗ ਨਿਖੰਗ ਸੁਹਾਵਹਗੇ ॥

Theer Thung Kaman Surang Dhurang Nikhang Suhavehagae ||

ਬਰਛੀ ਅਰ ਬੈਰਖ ਬਾਨ ਧੁਜਾ ਪਟ ਬਾਤ ਲਗੇ ਫਹਰਾਵਹਗੇ ॥

Barashhee Ar Bairakh Ban Dhhuja Patt Bath Lagae Feharavehagae ||

ਗਣ ਜੱਛ ਭੁਜੰਗ ਸੁਕਿੰਦਰ ਸਿੱਧ ਪ੍ਰਸਿਧ ਸਬੈ ਜਸੁ ਗਾਵਹਗੇ ॥

Gan Jashh Bhujang Sukindhar Sdhh Prasidhh Sabai Jas Gavehagae ||

ਭਲ ਭਾਗ ਭਯਾ ਇਹ ਸੰਭਲ ਕੇ ਹਰਿ ਜੂ ਹਰਿਮੰਦਰਿ ਆਵਹਗੇ ॥੧੪੭॥

Bhal Bhag Bhaya Eih Sanbhal Kae Har Joo Harimandhar Avehagae ||147||

ਕਉਚ ਕ੍ਰਿਪਾਨ ਕਟਾਰੀ ਕਮਾਨ ਸੁਰੰਗ ਨਿਖੰਗ ਛਕਾਵਹਗੇ ॥

Kouch Kripan Kattaree Kaman Surang Nikhang Shhakavehagae ||

ਬਰਛੀ ਅਰੁ ਢਾਲ ਗਦਾ ਪਰਸੋ ਕਰ ਸੂਲ ਤ੍ਰਿਸੂਲ ਭ੍ਰਮਾਵਹਗੇ ॥

Barashhee Ar Dtal Gadha Paraso Kar Sool Thrisool Bhramavehagae ||

ਅਤਿ ਕ੍ਰਧਤ ਹੈ ਰਣ ਮੂਰਧਨ ਮੋ ਸਰ ਓਘ ਪ੍ਰਓਘ ਚਲਾਵਹਗੇ

Ath Kradhhath Hai Ran Mooradhhan Mo Sar Ough Prough Chalavehagae

ਭਲ ਭਾਗ ਭਯਾ ਇਹ ਸੰਭਲ ਕੇ ਹਰਿ ਜੂ ਹਰਿਮੰਦਰ ਆਵਹਗੇ ॥੧੪੮॥

Bhal Bhag Bhaya Eih Sanbhal Kae Har Joo Harimandhar Avehagae ||148||

ਤੇਜ ਪ੍ਰਚੰਡ ਅਖੰਡ ਮਹਾਂ ਛਬ ਦੁੱਜਨ ਦੇਖ ਪਰਾਵਹਗੇ ॥

Thaej Prachandd Akhandd Mehan Shhab Dhujan Dhaekh Paravehagae ||

ਜਿਮ ਪਉਨ ਪ੍ਰਚੰਡ ਬਹੈ ਪਤੂਆ ਸਭ ਆਪਨ ਹੀ ਉਡਿ ਜਾਵਹਗੇ ॥

Jim Poun Prachandd Behai Pathooa Sabh Apan Hee Oudd Javehagae ||

ਬਢਿ ਹੈ ਜਿਤ ਹੀ ਤਿਤ ਧਰਮ ਦਸਾ ਕਹੂੰ ਪਾਪ ਨ ਢੂੰਢਤ ਪਾਵਹਗੇ ॥

Badt Hai Jith Hee Thith Dhharam Dhasa Kehoon Pap N Dtoondtath Pavehagae ||

ਭਲ ਭਾਗ ਭਯਾ ਇਹ ਸੰਭਲ ਕੇ ਹਰਿ ਜੂ ਹਰਿਮੰਦਰ ਆਵਹਗੇ ॥੧੪੯॥

Bhal Bhag Bhaya Eih Sanbhal Kae Har Joo Harimandhar Avehagae ||149||

ਛੁਟਤ ਬਾਨ ਕਮਾਨਨਿ ਕੇ ਰਣ ਛਾਡਿ ਭਟਵਾ ਭਹਰਾਵਹਗੇ ॥

Shhuttath Ban Kamanan Kae Ran Shhadd Bhattava Bheharavehagae ||

ਗਣ ਬੀਰ ਬਿਤਾਲ ਕਰਾਲ ਪ੍ਰਭਾ ਰਣ ਮੂਰਧਨ ਮਧਿ ਸੁਹਾਵਹਗੇ ॥

Gan Beer Bithal Karal Prabha Ran Mooradhhan Madhh Suhavehagae ||

ਗਣਿ ਸਿੱਧ ਪ੍ਰਸਿੱਧ ਸਮਿੱਧ ਸਨੈ ਕਰਿ ਉਚਾਇ ਕੈ ਕ੍ਰਿਤ ਸੁਨਾਵਹਗੇ ॥

Gan Sdhh Prasdhh Samdhh Sanai Kar Ouchae Kai Krith Sunavehagae ||

ਭਲ ਭਾਗ ਭਯਾ ਇਹ ਸੰਭਲ ਕੇ ਹਰਿ ਜੂ ਹਰਿਮੰਦਰ ਆਵਹਗੇ ॥੧੫੦॥

Bhal Bhag Bhaya Eih Sanbhal Kae Har Joo Harimandhar Avehagae ||150||

ਰੂਪ ਅਨੂਪ ਸਰੂਪ ਮਹਾਂ ਅੰਗ ਦੇਖ ਅਨੰਗ ਲਜਾਵਹਗੇ ॥

Roop Anoop Saroop Mehan Ang Dhaekh Anang Lajavehagae ||

ਭਵ ਭੂਤ ਭਵਿੱਖ ਭਵਾਨ ਸਦਾ ਸਬ ਠਉਰ ਸਬੈ ਠਹਰਾਵਗੇ ॥

Bhav Bhooth Bhavkh Bhavan Sadha Sab Thour Sabai Theharavagae ||

ਭਵ ਭਾਰ ਅਪਾਰ ਨਿਵਾਰਨ ਕੌ ਕਲਿਕੀ ਅਵਤਾਰ ਕਹਾਵਹਗੇ ॥

Bhav Bhar Apar Nivaran Ka Kalikee Avathar Kehavehagae ||

ਭਲ ਭਾਗ ਭਯਾ ਇਹ ਸੰਭਲ ਕੇ ਹਰਿ ਜੂ ਹਰਿਮੰਦਰ ਆਵਹਗੇ ॥੧੫੧॥

Bhal Bhag Bhaya Eih Sanbhal Kae Har Joo Harimandhar Avehagae ||151||

ਭੂਮ ਕੋ ਭਾਰ ਉਤਾਰ ਬਡੇ ਬਡ ਆਛ ਬਡੀ ਛਬ ਪਾਵਹਗੇ ॥

Bhoom Ko Bhar Outhar Baddae Badd Ashh Baddee Shhab Pavehagae ||

ਖਲਟਾਰ ਜੁਝਾਰ ਬਰਿਆਰ ਹਠੀ ਘਨ ਘੋਖਨ ਜਿਉ ਘਹਰਾਵਹਗੇ ॥

Khalattar Jujhar Bariar Hathee Ghan Ghokhan Jio Gheharavehagae ||

ਕਲ ਨਾਰਦ ਭੂਤ ਪਿਸਾਚ ਪਰੀ ਜੈ ਪਤ੍ਰ ਧਰੱਤ੍ਰ ਸੁਨਾਵਹਗੇ ॥

Kal Naradh Bhooth Pisach Paree Jai Pathr Dhharathr Sunavehagae ||

ਭਲ ਭਾਗ ਭਯਾ ਇਹ ਸੰਭਲ ਕੇ ਹਰਿ ਜੂ ਹਰਿਮੰਦਰ ਆਵਹਗੇ ॥੧੫੨॥

Bhal Bhag Bhaya Eih Sanbhal Kae Har Joo Harimandhar Avehagae ||152||

ਝਾਰ ਕ੍ਰਿਪਾਨ ਜੁਝਾਰ ਬਡੇ ਰਣ ਮੱਧ ਮਹਾ ਛਬ ਪਾਵਹਗੇ ॥

Jhar Kripan Jujhar Baddae Ran Madhh Meha Shhab Pavehagae ||

ਧਰ ਲੁੱਥ ਪਲੁੱਥ ਬਿਥਾਰ ਘਣੀ ਘਨ ਕੀ ਘਟ ਜਿਉਂ ਘਹਰਾਵਗੇ ॥

Dhhar Luthh Paluthh Bithhar Ghanee Ghan Kee Ghatt Jioun Gheharavagae ||

ਚਤੁਰਾਨਨ ਰੁਦ੍ਰ ਚਰਾਚਰ ਜੇ ਜਯ ਸੱਦ ਨੱਨਦ ਸੁਨਾਵਹਗੇ ॥

Chathuranan Rudhr Charachar Jae Jay Sadh Nanadh Sunavehagae ||

ਭਲ ਭਾਗ ਭਯਾ ਇਹ ਸੰਭਲ ਕੇ ਹਰਿ ਜੂ ਹਰਿਮੰਦਰ ਆਵਹਗੇ ॥੧੫੩॥

Bhal Bhag Bhaya Eih Sanbhal Kae Har Joo Harimandhar Avehagae ||153||

ਤਾਰ ਪ੍ਰਮਾਨ ਉਚਾਰ ਧੁਜਾ ਲਖ ਦੇਵ ਅਦੇਵ ਤ੍ਰਸਾਵਹਗੇ ॥

Thar Praman Ouchar Dhhuja Lakh Dhaev Adhaev Thrasavehagae ||

ਕਲਗੀ ਗਜਗਾਹ ਗਦਾ ਬਰਛੀ ਗਹਿ ਪਾਣ ਕ੍ਰਿਪਾਣ ਭਰਮਾਵਹਗੇ ॥

Kalagee Gajagah Gadha Barashhee Gehi Pan Kripan Bharamavehagae ||

ਜਗ ਪਾਪ ਸੰਬੂਹ ਬਿਨਾਸਨ ਕਉ ਕਲਕੀ ਕਲਿ ਧਰਮ ਚਲਾਵਹਗੇ ॥

Jag Pap Sanbooh Binasan Ko Kalakee Kal Dhharam Chalavehagae ||

ਭਲ ਭਾਗ ਭਯਾ ਇਹ ਸੰਭਲ ਕੇ ਹਰਿ ਜੂ ਹਰਿਮੰਦਰ ਆਵਹਗੇ ॥੧੫੪॥

Bhal Bhag Bhaya Eih Sanbhal Kae Har Joo Harimandhar Avehagae ||154||

ਪਾਨ ਕ੍ਰਿਪਾਨ ਅਜਾਨ ਭੁਜਾ ਰਣਿ ਰੂਪ ਮਹਾਨ ਦਿਖਾਵਹਗੇ ॥

Pan Kripan Ajan Bhuja Ran Roop Mehan Dhikhavehagae ||

ਪ੍ਰਿਤਮਾਨ ਸੁਜਾਨ ਅਪ੍ਰਮਾਨ ਪ੍ਰਭਾ ਲਖ ਬਿਓਮ ਬਿਮਾਨ ਲਜਾਵਹਗੇ ॥

Prithaman Sujan Apraman Prabha Lakh Bioum Biman Lajavehagae ||

ਗਣਿ ਭੂਤ ਪਿਸਾਚ ਪਰੇਤ ਪਰੀ ਮਿਲ ਜੀਤ ਕੈ ਗੀਤ ਗਵਾਵਹਗੇ ॥

Gan Bhooth Pisach Paraeth Paree Mil Jeeth Kai Geeth Gavavehagae ||

ਭਲ ਭਾਗ ਭਯਾ ਇਹ ਸੰਭਲ ਕੇ ਹਰਿ ਜੂ ਹਰਿਮੰਦਰ ਆਵਹਗੇ ॥੧੫੫॥

Bhal Bhag Bhaya Eih Sanbhal Kae Har Joo Harimandhar Avehagae ||155||

ਬਾਜਤ ਡੰਕ ਅਤੰਕ ਸਮਾ ਰਣ ਰੰਗ ਤੁਰੰਗ ਨਚਾਵਹਗੇ ॥

Bajath Ddank Athank Sama Ran Rang Thurang Nachavehagae ||

ਕਸਿ ਬਾਨ ਕਮਾਨ ਗਦਾ ਬਰਛੀ ਕਰਿ ਸੂਲ ਤ੍ਰਿਸੂਲ ਭਰਮਾਵਹਗੇ ॥

Kas Ban Kaman Gadha Barashhee Kar Sool Thrisool Bharamavehagae ||

ਗਣ ਦੇਵ ਅਦੇਵ ਪਿਸਾਚ ਪਰੀ ਰਣ ਦੇਖ ਸਬੈ ਰਹਸਾਵਹਗੇ ॥

Gan Dhaev Adhaev Pisach Paree Ran Dhaekh Sabai Rehasavehagae ||

ਭਲ ਭਾਗ ਭਯਾ ਇਹ ਸੰਭਲ ਕੇ ਹਰਿ ਜੂ ਹਰਿਮੰਦਰ ਆਵਹਗੇ ॥੧੫੬॥

Bhal Bhag Bhaya Eih Sanbhal Kae Har Joo Harimandhar Avehagae ||156||