ਭਾਂਤਿ ਭਾਂਤਿ ਕੇ ਬਜੇ ਨਗਾਰੇ ॥

Bhaanti Bhaanti Ke Baje Nagaare ॥

ਪਠੇ ਤਰੁਨਿ ਪਖਰਿਯਾ ਹਰਖੇ ॥

Patthe Taruni Pakhriyaa Harkhe ॥

ਸੁਰ ਸਭ ਪੁਹਪ ਗਗਨ ਤੇ ਬਰਖੇ ॥੭੨॥

Sur Sabha Puhapa Gagan Te Barkhe ॥72॥

ਦੋਹਰਾ ॥

Doharaa ॥

ਬਾਹੂ ਛੈ ਬਾਨਾਸ੍ਰ ਕਰਿ ਦੰਤ ਬਕਤ੍ਰਹਿ ਘਾਇ ॥

Baahoo Chhai Baanaasar Kari Daanta Bakatarhi Ghaaei ॥

ਹਰੀ ਕ੍ਰਿਸੋਦਰਿ ਜੀਤਿ ਸਿਵ ਧੰਨ੍ਯ ਧੰਨ੍ਯ ਜਦੁਰਾਇ ॥੭੩॥

Haree Krisodari Jeeti Siva Dhaanni Dhaanni Jaduraaei ॥73॥

ਇਤਿ ਸ੍ਰੀ ਚਰਿਤ੍ਰ ਪਖ੍ਯਾਨੇ ਤ੍ਰਿਯਾ ਚਰਿਤ੍ਰੇ ਮੰਤ੍ਰੀ ਭੂਪ ਸੰਬਾਦੇ ਇਕ ਸੌ ਬਿਆਲੀਸਵੋ ਚਰਿਤ੍ਰ ਸਮਾਪਤਮ ਸਤੁ ਸੁਭਮ ਸਤੁ ॥੧੪੨॥੨੮੭੨॥ਅਫਜੂੰ॥

Eiti Sree Charitar Pakhiaane Triyaa Charitare Maantaree Bhoop Saanbaade Eika Sou Biaaleesavo Charitar Samaapatama Satu Subhama Satu ॥142॥2872॥aphajooaan॥

ਦੋਹਰਾ ॥

Doharaa ॥

ਰਾਜ ਮਤੀ ਰਾਨੀ ਰਹੈ ਉਤਰ ਦੇਸ ਅਪਾਰ ॥

Raaja Matee Raanee Rahai Autar Desa Apaara ॥

ਗੜਿ ਬਿਧਨੈ ਤਾ ਸੀ ਬਧੂ ਔਰ ਨ ਸਕਿਯੋ ਸਵਾਰਿ ॥੧॥

Garhi Bidhani Taa See Badhoo Aour Na Sakiyo Savaari ॥1॥

ਬਿਭ੍ਰਮ ਦੇਵ ਬਡੋ ਬਲੀ ਤਾ ਕੋ ਰਹੈ ਨਰੇਸ ॥

Bibharma Dev Bado Balee Taa Ko Rahai Naresa ॥

ਤਾ ਕੋ ਤ੍ਰਾਸ ਸਮੁੰਦ੍ਰ ਲਗ ਮਨਿਯਤ ਚਾਰੋ ਦੇਸ ॥੨॥

Taa Ko Taraasa Samuaandar Laga Maniyata Chaaro Desa ॥2॥

ਕ੍ਰਿਪਾ ਨਾਥ ਜੋਗੀ ਤਹਾ ਜਾ ਸਮ ਰੂਪ ਨ ਔਰ ॥

Kripaa Naatha Jogee Tahaa Jaa Sama Roop Na Aour ॥

ਲਖਿ ਅਬਲਾ ਭੂ ਪਰ ਗਿਰੈ ਭਈ ਮੂਰਛਨਾ ਠੌਰ ॥੩॥

Lakhi Abalaa Bhoo Par Grii Bhaeee Moorachhanaa Tthour ॥3॥

ਚੌਪਈ ॥

Choupaee ॥

ਬੋਲਿ ਲਯੋ ਰਾਨੀ ਜੋਗਿਸ ਬਰ ॥

Boli Layo Raanee Jogisa Bar ॥

ਕਾਮਕੇਲ ਤਾ ਸੋ ਬਹੁ ਬਿਧਿ ਕਰਿ ॥

Kaamkela Taa So Bahu Bidhi Kari ॥

ਪੁਨਿ ਤਾਹੀ ਆਸਨ ਪਹੁਚਾਯੋ ॥

Puni Taahee Aasan Pahuchaayo ॥

ਰੈਨਿ ਭਈ ਤਬ ਬਹੁਰਿ ਮੰਗਾਯੋ ॥੪॥

Raini Bhaeee Taba Bahuri Maangaayo ॥4॥

ਦੋਹਰਾ ॥

Doharaa ॥

ਭੂਧਰ ਸਿੰਘ ਤਹਾ ਹੁਤੋ ਅਤਿ ਸੁੰਦਰਿ ਇਕ ਰਾਜ ॥

Bhoodhar Siaangha Tahaa Huto Ati Suaandari Eika Raaja ॥

ਸਾਜ ਬਾਜ ਭੀਤਰ ਕਿਧੌ ਬਿਸਕਰਮਾ ਤੇ ਬਾਜ ॥੫॥

Saaja Baaja Bheetr Kidhou Bisakarmaa Te Baaja ॥5॥

ਰਾਜ ਨਿਰਖਿ ਸੁੰਦਰ ਘਨੋ ਰਾਨੀ ਲਿਯੋ ਬੁਲਾਇ ॥

Raaja Nrikhi Suaandar Ghano Raanee Liyo Bulaaei ॥

ਪ੍ਰਥਮ ਭੋਗ ਤਾ ਸੌ ਕਰਿਯੋ ਪੁਨਿ ਯੌ ਕਹਿਯੋ ਬਨਾਇ ॥੬॥

Parthama Bhoga Taa Sou Kariyo Puni You Kahiyo Banaaei ॥6॥