ਇਹ ਬਚਨ ਤਤਕਾਲ ਬਖਾਨਿਯੋ ॥੪॥

Eih Bachan Tatakaal Bakhaaniyo ॥4॥

ਕ੍ਯੋ ਨਹਿ ਚਲਿਤ ਧਾਮ ਪਤਿ ਮੋਰੇ ॥

Kaio Nahi Chalita Dhaam Pati More ॥

ਬਿਛੁਰੇ ਬਿਤੇ ਬਰਖ ਬਹੁ ਤੋਰੇ ॥

Bichhure Bite Barkh Bahu Tore ॥

ਅਬ ਹੀ ਹਮਰੇ ਧਾਮ ਸਿਧਾਰੋ ॥

Aba Hee Hamare Dhaam Sidhaaro ॥

ਸਭ ਹੀ ਸੋਕ ਹਮਾਰੋ ਟਾਰੋ ॥੫॥

Sabha Hee Soka Hamaaro Ttaaro ॥5॥

ਜਬ ਅਬਲਾ ਯੌ ਬਚਨ ਉਚਾਰਿਯੋ ॥

Jaba Abalaa You Bachan Auchaariyo ॥

ਮੂਰਖ ਸਾਹੁ ਕਛੂ ਨ ਬਿਚਾਰਿਯੋ ॥

Moorakh Saahu Kachhoo Na Bichaariyo ॥

ਭੇਦ ਅਭੇਦ ਕੀ ਬਾਤ ਨ ਪਾਈ ॥

Bheda Abheda Kee Baata Na Paaeee ॥

ਨਿਜੁ ਪਤਿ ਕੋ ਲੈ ਧਾਮ ਸਿਧਾਈ ॥੬॥

Niju Pati Ko Lai Dhaam Sidhaaeee ॥6॥

ਦੋਹਰਾ ॥

Doharaa ॥

ਕਾਜ ਕਵਨ ਆਈ ਹੁਤੀ ਕਹ ਚਰਿਤ੍ਰ ਇਨ ਕੀਨ ॥

Kaaja Kavan Aaeee Hutee Kaha Charitar Ein Keena ॥

ਭੇਦ ਅਭੇਦ ਕਛੁ ਨ ਲਖਿਯੋ ਚਲਿ ਘਰ ਗਯੋ ਮਤਿਹੀਨ ॥੭॥

Bheda Abheda Kachhu Na Lakhiyo Chali Ghar Gayo Matiheena ॥7॥

ਇਤਿ ਸ੍ਰੀ ਚਰਿਤ੍ਰ ਪਖ੍ਯਾਨੇ ਤ੍ਰਿਯਾ ਚਰਿਤ੍ਰੇ ਮੰਤ੍ਰੀ ਭੂਪ ਸੰਬਾਦੇ ਇਕ ਸੌ ਉਨਾਸੀਵੋ ਚਰਿਤ੍ਰ ਸਮਾਪਤਮ ਸਤੁ ਸੁਭਮ ਸਤੁ ॥੧੭੯॥੩੪੭੮॥ਅਫਜੂੰ॥

Eiti Sree Charitar Pakhiaane Triyaa Charitare Maantaree Bhoop Saanbaade Eika Sou Aunaaseevo Charitar Samaapatama Satu Subhama Satu ॥179॥3478॥aphajooaan॥

ਚੌਪਈ ॥

Choupaee ॥

ਨੈਨੋਤਮਾ ਨਾਰਿ ਇਕ ਸੁਨੀ ॥

Nainotamaa Naari Eika Sunee ॥

ਬੇਦ ਪੁਰਾਨ ਸਾਸਤ੍ਰ ਬਹੁ ਗੁਨੀ ॥

Beda Puraan Saastar Bahu Gunee ॥

ਜਾਨ੍ਯੋ ਜਬ ਪ੍ਰੀਤਮ ਢਿਗ ਆਯੋ ॥

Jaanio Jaba Pareetma Dhiga Aayo ॥

ਭੇਦ ਸਹਿਤ ਤ੍ਰਿਯ ਬਚਨ ਸੁਨਾਯੋ ॥੧॥

Bheda Sahita Triya Bachan Sunaayo ॥1॥

ਸਵੈਯਾ ॥

Savaiyaa ॥

ਪਿਯ ਕਿਯੋ ਪਰਦੇਸ ਪਯਾਨ ਗਏ ਕਤਹੂੰ ਉਠਿ ਬੰਧਵ ਦੋਊ ॥

Piya Kiyo Pardesa Payaan Gaee Katahooaan Autthi Baandhava Doaoo ॥

ਹੌ ਬਿਲਲਾਤ ਅਨਾਥ ਭਈ ਇਤ ਅੰਤਰ ਕੀ ਗਤਿ ਜਾਨਤ ਸੋਊ ॥

Hou Bilalaata Anaatha Bhaeee Eita Aantar Kee Gati Jaanta Soaoo ॥

ਪੂਤ ਰਹੇ ਸਿਸ ਮਾਤ ਪਿਤ ਕਬਹੂੰ ਨਹਿ ਆਵਤ ਹ੍ਯਾਂ ਘਰ ਖੋਊ ॥

Poota Rahe Sisa Maata Pita Kabahooaan Nahi Aavata Haiaan Ghar Khoaoo ॥

ਬੈਦ ਉਪਾਇ ਕਰੋ ਹਮਰੋ ਕਛੁ ਆਂਧਰੀ ਸਾਸੁ ਨਿਵਾਸ ਨ ਕੋਊ ॥੨॥

Baida Aupaaei Karo Hamaro Kachhu Aanadharee Saasu Nivaasa Na Koaoo ॥2॥

ਭੇਸ ਮਲੀਨ ਰਹੌ ਤਬ ਤੈ ਸਿਰ ਕੇਸ ਜਟਾਨ ਕੇ ਜੂਟ ਭਏ ਹੈ ॥

Bhesa Maleena Rahou Taba Tai Sri Kesa Jattaan Ke Jootta Bhaee Hai ॥