ਜਿਮਿ ਮਖੀਰ ਕੀ ਉਡਤ ਸੁ ਮਾਖੀ ॥

Jimi Makheera Kee Audata Su Maakhee ॥

ਤਿਮਿ ਹੀ ਚਲੀ ਬੰਦੂਕੈ ਬਾਖੀ ॥

Timi Hee Chalee Baandookai Baakhee ॥

ਜਾ ਕੇ ਲਗੇ ਅੰਗ ਮੌ ਬਾਨਾ ॥

Jaa Ke Lage Aanga Mou Baanaa ॥

ਤਤਛਿਨ ਤਿਨ ਭਟ ਤਜੇ ਪਰਾਨਾ ॥੭॥

Tatachhin Tin Bhatta Taje Paraanaa ॥7॥

ਤਰਫਰਾਹਿ ਗੌਰਿਨ ਕੇ ਮਾਰੇ ॥

Tarpharaahi Gourin Ke Maare ॥

ਪਛੁ ਸੁਤ ਓਰਨ ਜਨੁਕ ਬਿਦਾਰੇ ॥

Pachhu Suta Aorn Januka Bidaare ॥

ਰਥੀ ਸੁ ਨਾਗਪਤੀ ਅਰੁ ਬਾਜਾ ॥

Rathee Su Naagapatee Aru Baajaa ॥

ਜਮ ਪੁਰ ਗਏ ਸਹਿਤ ਨਿਜੁ ਰਾਜਾ ॥੮॥

Jama Pur Gaee Sahita Niju Raajaa ॥8॥

ਦੋਹਰਾ ॥

Doharaa ॥

ਇਹ ਚਰਿਤ੍ਰ ਤਨ ਚੰਚਲਾ ਕੂਟੋ ਕਟਕ ਹਜਾਰ ॥

Eih Charitar Tan Chaanchalaa Kootto Kattaka Hajaara ॥

ਅਰਿ ਮਾਰੇ ਰਾਜਾ ਸਹਿਤ ਗਏ ਗ੍ਰਿਹਨ ਕੌ ਹਾਰਿ ॥੯॥

Ari Maare Raajaa Sahita Gaee Grihan Kou Haari ॥9॥

ਇਤਿ ਸ੍ਰੀ ਚਰਿਤ੍ਰ ਪਖ੍ਯਾਨੇ ਤ੍ਰਿਯਾ ਚਰਿਤ੍ਰੇ ਮੰਤ੍ਰੀ ਭੂਪ ਸੰਬਾਦੇ ਤੀਨ ਸੌ ਇਕਤੀਸ ਚਰਿਤ੍ਰ ਸਮਾਪਤਮ ਸਤੁ ਸੁਭਮ ਸਤੁ ॥੩੩੧॥੬੨੦੨॥ਅਫਜੂੰ॥

Eiti Sree Charitar Pakhiaane Triyaa Charitare Maantaree Bhoop Saanbaade Teena Sou Eikateesa Charitar Samaapatama Satu Subhama Satu ॥331॥6202॥aphajooaan॥

ਚੌਪਈ ॥

Choupaee ॥

ਸਹਿਰ ਭੇਹਰੇ ਏਕ ਨ੍ਰਿਪਤਿ ਬਰ ॥

Sahri Bhehare Eeka Nripati Bar ॥

ਕਾਮ ਸੈਨ ਤਿਹ ਨਾਮ ਕਹਤ ਨਰ ॥

Kaam Sain Tih Naam Kahata Nar ॥

ਕਾਮਾਵਤੀ ਤਵਨ ਕੀ ਨਾਰੀ ॥

Kaamaavatee Tavan Kee Naaree ॥

ਰੂਪਵਾਨ ਦੁਤਿਵਾਨ ਉਜਿਯਾਰੀ ॥੧॥

Roopvaan Dutivaan Aujiyaaree ॥1॥

ਤਾ ਕੇ ਬਹੁਤ ਰਹੈ ਗ੍ਰਿਹ ਬਾਜਿਨ ॥

Taa Ke Bahuta Rahai Griha Baajin ॥

ਜਯੋ ਕਰਤ ਤਾਜੀ ਅਰੁ ਤਾਜਿਨ ॥

Jayo Karta Taajee Aru Taajin ॥

ਤਹ ਭਵ ਏਕ ਬਛੇਰਾ ਲਯੋ ॥

Taha Bhava Eeka Bachheraa Layo ॥

ਭੂਤ ਭਵਿਖ੍ਯ ਨ ਵੈਸੇ ਭਯੋ ॥੨॥

Bhoota Bhavikhi Na Vaise Bhayo ॥2॥

ਤਹ ਇਕ ਹੋਤ ਸਾਹ ਬਡਭਾਗੀ ॥

Taha Eika Hota Saaha Badabhaagee ॥

ਰੂਪ ਕੁਅਰ ਨਾਮਾ ਅਨੁਰਾਗੀ ॥

Roop Kuar Naamaa Anuraagee ॥

ਪ੍ਰੀਤਿ ਕਲਾ ਤਿਹ ਸੁਤਾ ਭਨਿਜੈ ॥

Pareeti Kalaa Tih Sutaa Bhanijai ॥