स्री गुर प्रताप सूरज ग्रंथ (राशि १) ३५६

खरे अगारी रहहिण हमेश।
कहिहि सु करहिण जि काज विशेश ॥३६॥
कोस हजारन को चलि आवहि।
तूरन सो लालो दरसावहि।
जिम आइसु दे मानहिण सोई।
आन अुपाइन अरपति जोई ॥३७॥
इक पठान सौदागर भारो।
भरि जहाज बारध१ महिण डारो२।
तांको मेल सु लालू साथ।
मिलति जबहि बंदहि जग हाथ ॥३८॥
सो समुंद्र महिण बनज करंता।
टापू बिखै लाभ लभंता।
इक बिर३ तिह जहाज फटि गयो।
सकल समाज बूडतो भयो ॥३९॥
महां अंधेरी ते बड फूटा।
तखता एक संग ते टूटा।
तिस पर चढो पठान बचो तबि।
बायु बेग ते बहो गो४ जब ॥४०॥
इक टापू महिण लगो सु जाइ।
देखो तिह ठां नगर बसाइ५।
तखते पर ते अुतर सु गयो।किह को मिलि तहिण बूझति भयो ॥४१॥
कौन देश, को पुरि को नाम?
बसहि कौन इह थल करि धाम।
गुपत सकल टापू तिस बसहिण।
देखि मनुख को, सो तबि हसहिण ॥४२॥
कहो तिनहुण गुपतनि को थांयो।
तूं मानुख कहु कित ते आयो?

१समुंदर।
२पाया।
३इक वेरी।
४हवा दे ग़ोर नाल रुड़दा गिआ।
५वसदा है।